周志康演渣男入型入格

    無線藝人周志康在劇集《虛擬情人》中飾演“周柏賓”。周柏賓是女主程晴（王敏奕飾）的大學初戀，由於周柏賓天性不忠，竟背着程晴與其他女生發生關係，令程晴蒙受陰影多年。

    周柏賓這個角色絕對是渣男表表者，除對愛情不負責任、愛對女生毛手毛腳，亦十分不尊重另一半。周志康坦言飾演周柏賓是一大挑戰，因為看劇本時已覺得“呢個人唔係人”，所以最大難度說服自己個角色其實唔渣：“因為佢根本唔知咩係愛情，加上容易有女性埋身，佢覺得唔需要尊重女性。”

    周志康坦言為了營造“校草不再”的感覺，更專誠刻意為角色增肥：“我每次開工前一晚都會食啲濃味同肥嘅嘢，等自己望落去腫啲。”由於角色佬味濃，加上阿叔髮型，第一次試造型時已被取笑，當中包括林景程。

    不少網民大讚周志康演渣男入型入格，但其實現實生活中周志康是百分百廿四孝爸爸兼愛妻號，只要不用工作或是運動都會陪伴家人，其個人社交網便有不少家庭樂溫馨照片。周志康笑言不敢讓兩個女兒看自己演出，因怕人設崩毁：“因為個角色太壞喇，費事畀佢哋見到爸爸咁衰蝦女仔。”