吳若希暗示可原諒麥美恩

    昨日，吳若希來澳門出席演唱會《Gossip Of Me》記者會，繼續被追問她和麥美恩“絕交”的新發展。她和麥美恩“絕交”，多年姊妹情破裂近日成為新聞焦點。被問道與麥美恩的關係，前好姊妹吳若希封口說：“唔答啦，關於佢嘅嘢我唔答。”開演唱會會不會邀請她看騷？她說：“我相信係朋友嘅話，都會主動舉手話過嚟睇。咁所以，到時睇吓啦。”她需要買飛嗎？“唔知呀，唔討論佢啦。”說到有關前好姊妹的話題，吳若希顯得頗為尷尬。

    記者追問最近幾天有沒有聯絡，她又回答：“唔討論，唔評論。唔講啦！”關係有沒有挽救的餘地？她說：“而家我要做好演唱會嘅事，因為始終有好多嘢要彩排，體力勞動好大，有兩part要跳舞，我淨係彩排跳舞都用咗成個月。”將來會不會修補關係？她繼續耍太極：“我覺得好多嘢都係緣份，例如大家會認識我，例如無啦啦又可以開演唱會，呢個世界好多嘢都係緣份。”問到“絕交”的原因，她說：“呢啲嘢唔答啦，都冇乜值得去討論，但係我個人就好大方嘅，冇hard feeling。我哋唔講佢啦。”似乎有原諒對方的意願。