苛刻合約與網紅博流量

    “香港小姐”大招募，五月一日開始啦！前姐不忘後姐之師……。去年集訓期間，出現“退選潮”，抱怨合約太苛？

    無線助理總經理（藝員訓練）樂小姐回應：“咁多年來，合約都一樣。”

    有候選佳麗網上公開合約內容——一入總決賽，就要跟TVB簽五年，不能參加其他電視台的節目；也不管拿奬與否。還有，沒有進入總決賽的，也需要限制娛樂活動半年……。

    “我覺得合約精神一定要有”，樂小姐表示：“尤其現在媒體比較多，同時要培訓她們的項目多式多樣。所以喺合約上面寫明要注意甚麼。”

    “講到合約咁驚，我覺得佢哋誇張咗。”TVB高級製作經理何小慧（港姐製作）：“某些人，根本入唔到我哋心目中的二十位或三十位，於是，就用呢個藉口……”樂小姐又補充：“可能知道你哋傳媒會關注，所以咁做。”

    “當中不乏網紅，參賽為名博流量，吸引網民眼球。”何小慧經驗老到：“許多人入來，為博流量。（如何識別網紅來攞流量？）去到簽約才會識別到，當我哋覺得佢各方面都好，又唔可以限制佢哋來參賽，到簽合約，自然就唔做……”

    一定要持香港身份證才可參賽？“三粒星也可以。”樂小姐聲明：“杜絕佳麗佩戴混血大眼仔Con，亦唔可以化濃妝，我哋係捉得好緊。”

    佳麗身上有紋身，可否開綠燈？“要視乎面積大小。講明，我哋對紋身一向都不大接受，”何小慧幾乎年年都說一次：“如果在好私密嘅部位紋身，見唔到，我們會睇下當時情況……”姐說姐嚴苛，經（理）說經有理。

    高梁