劉青雲四登影帝寶座

    電影《爸爸》於香港金像獎獲得三個獎項，“最佳男主角”劉青雲、“最佳女配角”谷祖琳及“最佳新演員”蘇文濤。慶功宴上，談到“一家三口”齊齊獲奬是否很圓滿？劉青雲笑指過去沒有這經驗，當眼見蘇文濤和谷祖琳先後得奬已覺很圓滿，自己都有喜出望外：“同戲嘅通常係女主角得奬，我自己得就多數自己一個，好少幾個演員一齊得獎。”

    劉青雲已是第四度登上金像獎影帝寶座，當宣佈時《爸爸》導演翁子光在台下激動落淚。劉青雲致辭說：“今日係一個好特別嘅晚上，我廿一歲第一部拍嘅電影叫《聽不到的說話》，導演係姜大衛，今日佢坐咗喺度，佢都好開心。我亦都好開心見到好多前輩喺度，因為如果你哋唔嚟，我就係前輩。《爸爸》畀我一個好奇怪嘅過程，我知道我其實太多嘢唔知道，但係拍完之後，我以為自己知道，其實都係唔知道。我亦都好感謝團隊。多謝大家咁熱愛電影，我都好多謝自己嘅團隊、我嘅屋企人、我嘅太太。我要特別多謝爸爸，我要多謝嗰一位爸爸。”