劉嘉玲逐個撩影帝

    “冇人比我更了解影帝——”劉嘉玲頒發最佳男主角金像奬，將五位準影帝，逐個撩逗一番。

    當衆評頭品足，“郭富城，你冇缺點，係完美嘅。我話畀你聽：你的缺點，太靚仔！有時好阻礙你的演技。”場上高呼：梁朝偉都靚仔喎……

    “係呀，梁朝偉真係好靚仔。”知夫莫若妻，嘉玲回應：“但，梁朝偉呢，好在佢唔知自己好靚仔，同時，唔介意自己是否好靚仔”。自爆老公頭髮白了都不去染。

    “從小看許冠文演出。”劉嘉玲調侃影帝，不分老嫩：“由《雙星報喜》、《大軍閥》，當時打扮得十分成熟，佩服你的遠見，好策略性將以前年紀同現在年紀拉近距離。所以，咁多年都冇見你變樣。加上你底子好，冇眼紋、冇頸紋，真係羨慕死人。”

    “你與許冠文，有異曲同工之妙……。”劉嘉玲指住劉青雲：“我們是藝員訓練班同學。當年，我已覺得青雲年紀大我好多……，但咁多年來，又唔見你老喎。是否因為皮膚黑呢？”青雲愕然之際，嘉玲又指古天樂：“古仔，你係唔係㗎？唔怪得，你成日曬燈啦！”

    下一位，競逐影帝最年輕的游學修。劉嘉玲驚訝：“前幾年見你，青靚白淨。呢幾年遇到咩事，搞到依家咁殘？哦，你個台唔玩啦？”游學修，演藝界後起之秀，編導演，電影、舞台劇均涉及。據講，“學修”名字，出自一個漫畫人物的一句話：由淺入深，叫學。由深到淺，叫修。

    “不要到處去嘗試了。”劉嘉玲語重心長，贈言後輩：“想清楚自己方向，再繼續向前走每一步，不要再試了，要認真做。”

    後記：五位影帝，坐定定任玩唔嬲，影帝殺手奬乎？

    高梁