吳日言肺部感染留院觀察

    去年已舉家移民英國的吳日言(Yan)，昨日在社交平台貼出一組三母子的病容相。並發文表示復活節期間，她與兩個兒子先後生病，由於假期冇醫生睇，唯有自行食退燒藥，把家裡的藥箱差不多清空。終於等到家庭醫生，結果都係繼續食退燒藥。

    Yan寫道：“激鬼死人。我已經係一個病人，仲要照顧兩個病人，過了兩日……連我都燒到四十度，血含氧量降到八十三，老公即時帶我去睇急症。”經過驗血再驗血、照肺、心電圖及撩鼻後，醫生告訴她肺部有感染，但未知屬哪一種菌，需要留院觀察。她續寫道：“除咗生仔入醫院，我真係第一次因為病而要留院觀察，仲要係英國，知道嗰一刻真係喊咗出嚟。”最後老公及仔女一齊拍片幫她打氣，Yan回應：“收到最強嘅打氣說話！放心，媽媽好快返嚟。”