袁詠儀新戲素顏演高齡產婦

    馬來西亞電影《阿媽有喜》昨日舉行復活節優先場，女主角袁詠儀（靚靚）與戲中女兒馬來西亞演員黃潔琪(Miko)出席謝票，蔡一智與太太、朱晨麗及張達明前來捧場。

    今次戲中靚靚飾演高齡產婦，她演出時衣着打扮都要配合年紀，甚至素顏演出：“做阿媽喺屋企冇理由化行個妝，要似番個年紀，角色上需要入戲。”而黃潔琪戲中經常玩Cosplay，有冇找“阿媽”靚靚一齊玩？她搞笑說：“想，但阿媽唔得。”靚靚即為她更正：“佢啲廣東話係有限公司，只係我個角色比較嚴厲對年輕人多限制，晏咗唔番屋企會落閘，先唔會搵阿媽玩，但會互相頂嘴。”Miko自問頂嘴也不擅長，靚靚就指她真人與角色有很大分別，有時拍完戲想再留下檢討和討論之後拍甚麼，她每次都急急腳揹背囊就走，初時都以為她去玩，原來是趕回家做宅女。

    談到Miko被形容為“翻版林明禎”，Miko表示都知這稱號，但是否相像則見仁見智，可能媒體對她比較陌生，這樣會有更多人認識自己，感覺倒不是壞事。靚靚聽罷即大讚“女兒”答得很得體，她笑說：“我呢個年紀識咁講，就唔會得罪咁多人，真係家教好！”