黃淑蔓雲浩影為考生打氣

    網上節目《DSE一定要得！》由“寰亞孻女”黃淑蔓(Feanna)主持，邀請不同歌手朋友，為DSE考生們開Live唱歌和傾偈，本周邀得“仙氣女神”雲浩影(Cloud)擔任嘉賓。

    Cloud分享溫書心得：“我唔贊成考試前夕通宵讀書，我考DSE嗰陣晚上九點瞓，半夜三點起身，養足精神去溫習，更容易入腦。”Feanna說：“我都唔贊成通宵讀書，因為我試過讀到五點，仲有兩小時就要去試場，所以唔敢瞓，怕瞓過頭，結果通宵冇瞓冇精神。所以適當嘅溫書計劃係好重要，唔好臨急抱佛腳。”

    她們最難忘考試期間老師的打氣金句，Feanna說：“老師話‘不要在吃苦的年紀選擇安逸！’我覺得好有意思，我哋而家就係可以吃苦嘅年紀，即係‘少壯不努力，老大徒傷悲’。”Cloud說：“我最記得老師同我講，凡事盡力而為，就算唔成功都唔會世界末日。而我自己就想同各位考生講活在當下，如果呢一刻溫書好攰就去休息吓，唔好諗返轉頭，亦都唔好擔心未來，做好而家呢一刻就得啦。”她透露會一邊吃喜歡的零食和飲珍珠奶茶，一邊溫習。