葉蒨文首演人母妝容搭夠

    無線劇集《奪命提示》過去一周再有新角登場，其中葉蒨文(Sophie)首度演出母親角色，飾演子瑜（鍾嘉佑飾）親生媽咪劉惠芳，是次扮演的貴婦造型均相當斯文又淑女。其中一集，Sophie談及多年來不容許與親生女兒見面的難過時，委屈的聲線配以忍淚的雙眼，相當有戲。

    談到首度升呢演媽咪，Sophie表示覺得有難度，在妝容上確實花了點小心思。她說：“妝容方面，我拍完第一場之後，喺洗手間思前想後覺得爭少少，望一望塊鏡覺得可以再老啲同憔悴少少，由於時間緊迫，我就自己做咗少量調整，加咗啲陰影落塊面，希望望落去成熟啲，亦都有助我進入角色。”角色獲正評，Sophie大感驚喜，並透露有報讀演技班進修：“公司都畀幾多柔弱類型感覺嘅角色我做，但其實我本身唔係特別擅長展現委屈一面同表現弱小，可能因為我由細到大都比較堅強、甚至倔強，偏向以強勢掩飾自己弱項，再加上我私下都有進修，嘗試做好每一個角色，慢慢地都習慣咗演一啲同自己唔算太接近嘅角色。”她更多謝大家的鼓勵，但自覺仍有好多進步空間，她會繼續努力。