戰場賭徒一鋪清

    八十二年前今日，一宗轟動世界之事件被刻意隱瞞，個多月後始公佈，二戰正酣之日本帝國如喪考妣。山本五十六被美軍戰機截擊身亡。

    當日山本乘戰機前往戰場視察，行蹤密電遭美軍破譯。山本之逝，日本如巨擘之折，戰場形勢倒向美國，二戰之敗，已成定局。

    山本原姓高野，出生時乃父年五十六，故名。後來過繼母家，改姓山本。畢業於日本海軍大學校，留學耶魯。曾任駐美武官，最拿手玩航空母艦和艦載機。二戰時憑偷襲珍珠港一戰成名，因中途島戰役完敗，至令聯合艦隊成冇牙老虎。加之中國戰場潰敗，日軍從此一蹶不振。

    山本公生性好賭，被摩納哥賭場列為不受歡迎人物。佢曾揚言：倘日皇畀我一年，幫你贏隻航母返來！亦因此性，打仗猶如賭博。前述兩仗，盡顯賭徒本色，夠膽落注，唔理輸贏。

    當年今日上午七時四十五分，山本五十六被擊殺。

    西門公子