《中3》曹越騷背肌獻唱《活色生香》

    由車婉婉擔任主持的《中年好聲音3》，評審團除了固定班底肥媽、張佳添、周國豐，還有嘉賓評審林子祥（阿Lam）及音樂女神海兒。周日晚九點將播放十二強晉身十強淘汰賽事，今次主題是“林子祥金曲之夜”，參賽者揀選林子祥歌曲參賽。

    本輪賽事曹越可謂才藝大晒冷，穿着大露背裝、口咬玫瑰花登場，邊跳佛蘭明高舞、邊獻唱《活色生香》，演出令人眼前一亮。不過講到最搶鏡的，必定是其超結實背肌，連車婉婉都被驚嘆：“健身教練真係唔同啲，個背肌好似同我Say Hello咁。”阿Lam大讚曹越的演出：“真係上晒身，好落力，又跳又唱，我唱呢隻歌都唔會做到咁樣。”張佳添則認為曹越表現未夠放：“你把聲線未夠Sexy，硬咗少少。”肥媽聞言即幫忙“解畫”：“佢哋講嘅你未必明，我講你就會好明，你唱呢隻歌唔夠姣，你兩個麻甩佬就係想講呢個意思咋嘛。”海兒表示認同後，隨即被肥媽叫示範。

    而向來有唱功、有台型的趙浚承，獻唱《最愛是誰》自設吹口哨環節，不但遭原唱阿Lam點評好大膽，還直指“呢隻歌未必啱你”；張佳添亦批其“口哨演奏”破壞氣氛。