蕭正楠湊B周身痠痛

    新鮮出爐爸爸蕭正楠(Edwin)，擁有新的身份後的第一個代言中藥油廣告在日前進行拍攝。作為新手爸爸後的Edwin接拍第一個廣告，大方透露近況：“當初我以為BB會好輕，但係最近翠如話我知我背脊厚咗，可能係呢幾個星期餵奶、抱BB，有時候同一個姿勢維持太耐，不知不覺身體唔同部位都會痠痛，呢個係我最近嘅一個體會，湊BB真係會周身痠痛。相信之後BB越嚟越重，痛症會更加明顯。”要在工作和家庭中取得平衡，個人健康是非常重要，就好像Edwin每日會花三十分鐘做運動，特別着重拉背肌的動作，避免因為抱嬰兒而寒背。

    被問到拍劇和照顧小朋友哪樣比較疲累時，Edwin稱兩樣花費的體力是不同，對着小朋友更加是打醒百分之二百的精神，就算小朋友一個細微的動作，例如打思噎、大聲哭、吐奶，便會感到很緊張，有時還會自責自己做得不夠好，心情起伏很大。