養老金多年未調升不及維生指數

    長者盼“加人工”

    【澳門日報消息】目前長者最大的“收入”可算是每月領取的養老金，然而養老金金額已有五年未有調升，加上不少長者提前領取“打折”的養老金，不少長者大呻物價上漲，生活拮据全靠“慳”，希望政府調升養老金金額，為長者“加人工”。

    “多年唔敢去飲茶”

    年過七旬的馮婆婆坦言生活拮据，目前最低維生指數四千多元，而長者每月養老金只有三千多元，遑論她是提前領取養老金只有二千多元，“而家實在太艱難，唔慳點得，十幾廿年冇飲過茶，邊敢去飲茶呀，如果兩公婆飲餐茶六、七十文，夠我買兩日餸”。

    馮婆婆提到新冠疫情以來，子女工作收入不穩，形容自己“十幾廿年冇飲過茶，二十年冇買過衫，仔女工作唔穩定，我兩公婆又咗退休，咁你話點？邊敢使錢呀！”。

    “以前死慳地抵捱到間屋，然後攞足三千幾(養老金)，有兩個老頭(夫婦)夾米煮飯，仲有現金分享、敬老金夾夾埋埋，身體冇乜事，就叫做(生活)過得去、勉勉強強，身體有事都好難㗎。如果攞兩千幾(養老金)真係好拮据。”馮婆婆理解央積金注資在盈餘下才發放，但認為養老金應相應調整，敬老金亦應加至一萬元。

    敬老金醫券冀加碼

    七十多歲的張婆婆亦大呻物價貴，“買條魚都一百幾十文”，生活開支大，“我得兩千八百幾(養老金)，冇得攞足”，形容現時生活“好難頂”、“自己慳返來”。談到對施政的期望，“我要求加‘人工’”，“唔夠用，仔女有佢嘅家庭，冇得畀(父母)”，希望養老金、敬老金、長者消費立減優惠“三樣都加”，指自己過去工作三十年，退休金不足十萬元，“供樓都用晒”，反觀內地退休福利保障好，“唔慳點得，自己打、自己受，老公、仔冇得畀，自己靠自己，自力更生”，張婆婆又表示，長者不時有睇病需求，整牙費用高昂，醫療券金額亦應調升。

    放寬社屋入住條件

    年過八旬的楊伯伯則稱，“政府講得好聽，話照顧老人家，實際對老人家冇咩照顧”，形容“公務員次次加薪都加咁多，養老金五年都未郁過”，雖然他每月領足全份養老金，但物價高昂，只能在飲食上“慳”：“平日早餐食麥片、加埋老人奶粉，慳慳地囉，都冇計”，同住家人平日要上班，自己“買最平嘅飯盒廿五文，你去餐廳食四、五十文，等於食到兩餐”。

    楊伯伯同樣反映醫療券金額不足以應付日常的醫療開支，形容六百元的醫療券“唔夠睇兩次中醫”，理解醫療券“加幾多都唔夠”，但希望政府有條件可以酌量增加醫療券的金額。

    他又提到，不少長者與子女同住，居住環境擠迫，部分私人樓宇不願租屋予長者，長者公寓租金亦較貴，但他曾申請四厘利息補貼，無法申請社屋，指現時社屋資源多，不時見到“有屋無人住”，希望政府放寬條件。