楊偲泳拍咀戲驚人身安全

    電影《搗破法蘭克》風格突出，獲選入圍“第廿二屆西班牙亞洲夏日電影展”競賽部分，兼且日前公佈入選“第廿四屆紐約亞洲電影節”。

    楊偲泳(Renci)與岑珈其在戲中飾演一對曖昧賊拍檔，二人出生入死之餘，不乏拖手逃命、感情咀戲。楊偲泳主動向戲裏戲外皆是怕醜仔的珈其獻吻，而導演安排開鏡首日便拍攝咀戲，珈其顯得頗為尷尬，楊偲泳更踢爆珈其原先建議“脷疊脷”，但臨陣縮沙，戲中神父楊偉倫恥笑“得把口”。對於開鏡首天便要拍攝咀戲，二人默契十足，岑珈其表示，事前與楊偲泳商討如何配合演繹，他說：“不過有點緊張，好多謝楊偲泳好專業，其實我覺得自己有啲失敗，明明要男仔令對方安心，反而要女仔同我講OK冇問題，佢好專業。”珈其認為配合劇情，輕輕的一吻已經好夠表達箇中意義：“我同Renci之前兩套戲合作都係情侶，但係冇試過錫，反而今次唔係情侶，曖昧關係有錫，感覺浪漫。”Renci笑說：“我哋圍讀時，本身尺度係大嘅，但基於好多原因就縮到好細，導演本身諗住係激啲。我之前係驚我嘅人身安全，而家我都唔敢面對，見到佢我會驚，因為珈其太太係跆拳道黑帶。”最後由於電影內容豐富，導演要維持緊湊節奏，最後忍痛剪走該場咀戲。