艾威感激品牌預支酬勞

    苑瓊丹、艾威、羅霖、黃子揚、林敬加盟著名海味品牌直播行列，眾藝人日前現身記者會舉行啟動儀式。

    艾威透露太太需接受換肝手術，要籌集醫藥費，品牌預支五十萬元讓他應急：“之前我完全唔識老闆、冇交情，所以呢個支持好感動，老婆現時已在醫院等排期做手術，好多謝身邊好多有情有義嘅朋友。”

    這次合作由苑仔（苑瓊丹）拉線，佢仲大讚好友艾威好人，朋友樂意幫忙：“依家呢個時勢，不要說五十萬，五萬、五千都唔易，亦透過呢件事，更加認識今次品牌老闆是信得過的合作夥伴。邀請艾威都是呢個星期嘅事，因為我喺街上見到佢戇居居，就問佢老婆近況，才知阿嫂舊病復發需要換肝，所以馬上找老闆跟艾威簽約。”

    同場的羅霖就話初嘗直播，因為很考臨場表現及體力：“其實帶貨一點都不簡單，就好像苑仔一樣，那麼幽默，或者很喜歡說話的人，就是很好，我很佩服苑仔！”