楊丞琳香港巡演將唱廣東歌

    日前，台灣歌手楊丞琳作客無線娛樂新聞台節目《StarTalk》專訪，接受主持許文軒訪問，相隔七年再度來港舉行個人演唱會，楊丞琳笑說：“等咗七年，當時三十三歲，依家都四十歲！”

    楊丞琳表示：“自己有一個習慣，就係每次喺香港演出，不論係細型定係大型演唱，都會準備定廣東歌。因為廣東話係自己生命一部分，由細開始爸爸教自己廣東話，爸爸媽媽都係廣東人，雖然唔係講得太好，但係覺得廣東話同自己好近。不過依家覺得自己退步咗，平時冇乜機會練習，就算同媽咪都少講，所以要學唱廣東歌令自己廣東話進步。”她又說：“自己有首廣東歌一定要唱，就係由林家謙作曲嘅《我不認識你》，呢首歌喺香港冇唱過，因為上次香港演唱會唱過佢作曲嘅《矛盾一生》覺得好好聽，所以自己上網私訊佢搵佢幫手作曲，而廣東版係佢推薦我唱。除此之外，我今次特登問咗啲朋友，揀咗近十年香港最紅、最受歡迎嘅歌，然後再搵一啲適合自己聲音嘅廣東歌嚟唱。”