王君馨開派對公佈BB性別

    藝人王君馨即將榮升媽媽，前日她與老公在酒店舉行派對，正式宣佈腹中胎兒是女嬰。出席派對的圈中人有衛詩、鍾舒漫和鍾舒祺等，她們除玩遊戲外，衛詩還彈結他帶領唱歌，場面十分溫馨。

    王君馨與丈夫Daniel於二○一六年結婚，去年十二月宣佈喜訊，一直未有透露BB性別。距離預產期還有兩個月，王君馨表示朋友對於BB性別各有見解，她笑說：“之前我其實無諗住搞派對，不過好幾個朋友好肯定咁話一定係仔，有啲就話發夢夢見我佗女，咁不如搞個Party大家開心吓啦！”

    派對上，由王君馨和老公一起篤爆氣球，爆出粉紅色波波，正式宣佈腹中是BB女。王君馨拍片表示：“仲有差不多兩個月就做媽媽，緊張之後的日子係點，呢十幾年好感恩有好多好珍惜和好愛嘅姊妹，覺得將來自己唔會一個人行，又有主陪我一齊行，好期待BB出世。”