黃淑蔓陳健安為考生打氣

    陳健安（安仔）與黃淑蔓專程於DSE開考前夕，在網上頻道開Live唱歌，為同學們打氣、分擔壓力；二人更即場回應留言，點唱更是有求必應。

    黃淑蔓自爆當年考DSE的難忘事：“我考聆聽嗰日喺試場戴上耳機，聽到電台喺考試前播緊我唱嘅《一定要得》，我嚇到呆咗。”安仔問：“你身邊啲考生有冇望住你？”黃淑蔓說：“唔知呀，我耷低頭唔敢望其他人。本來考試已經好緊張，聽到自己嘅歌就更加大壓力！因為當年我要應付考試，所以呢首歌係我唯一一首無參與拍攝嘅MV。”而安仔最難忘考試暫住家姐屋企閉關讀書，還有媽媽的愛心靚湯打氣，感到很溫暖。

    節目結束，剛好安仔新歌《不遲不早》MV首播，黃淑蔓和樂手們一同觀賞。安仔說：“第一次同同事一齊睇MV首播，有啲害羞。”黃淑蔓大讚他結他Solo有型。安仔自爆：“因為我彈得唔叻，呢八個Bar喺錄音室錄咗一百三十幾次，足足三個鐘，多謝小彤（監製）耐心陪伴。”黃淑蔓立即點讚和留言，非常捧場。