陶大宇難忘郭可盈

    前師奶殺手陶大宇，難忘艷旦郭可盈，拍《刑事偵緝檔案》期間，日對夜對四個月，至今仍不解的，稱呼芳名竟有四個發音。大宇自己講，Jassie，會讀作“車匙”，有時叫她“Jack匙”，或“姐匙”。奇中奇：“我嗌郭可盈的英文名，三、四個唔同發音，冇人糾正我，郭可盈都冇。總之，冇一次嗌得準，咁都得。”

    叫錯一姐芳名，長年累月，沒人糾正，面對兩大謎團……《友乜唔講得》主持人：阮兆祥、梅小惠、江欣燕，瞠目結舌。竊以為好易解畫：大宇，你係師奶殺手，面對郭可盈，怎知你幻想哪一個師奶；你係一線小生，誰敢糾正你發音呀……。

    假如是，問題便哈哈哈；今時不同往日，多謝各位，真係“有乜唔講得”。捉到鹿又脫角了……。陶大宇終於乜都講得，“演藝生涯原是——攰”的現實！

    《刑事偵緝檔案》系列，“主角乜都關你事，電視劇跳拍，一輯入面可能有八宗案件，有時一日拍兩三單，亂晒大籠……”

    上世紀的電視苦水，陶大宇今天吐出來，好簡單一場戲——“只係一個鏡頭：咯咯咯叩門，演Madam的林漪娸話Come in。入去講，“Madam，成件事已Close File，我哋唔使查落去啦。“簡單一句，沒法講到，因為太攰，一句對白分開三個Shot拍……。”成個人軟哂，腦又亂……“當時四個月裡，與梁榮忠差不多每日平均只睡三個小時，見對手演員多過見媽媽。不過大家一齊捱，都是開心事。”

    後記：師奶殺手，紅到無得瞓，攰到呢……。憶苦！不一定思甜；恐怕憶苦還更苦。肥肥教女：藝人辛苦叫“幸福”。既清閒，又冇拖拍的話，歎世界？嘆五更？

    高梁