許靖韻冀今年在港開騷

    許靖韻(Angela)今年的首站巡演日前已於佛山完成，音樂會上，Angela除了大唱多首代表作，更向粉絲們來個深情剖白，分享這兩年巡演的心路歷程，又預告已密鑼緊鼓準備新歌，更希望今年可以在香港開騷。

    巡演佛山站對Angela來說別具意義：“對佛山站騷特別不捨，因為呢個巡演好似陪伴咗我一至兩年，好似係我呢一段時間嘅一個精神食糧。所以每次見到歌迷都係一個期待，好多謝佢哋一路畀呢個期待我，多謝佢哋嘅陪伴。”她直言雖然很多人因翻唱作品而認識她，但她希望大眾記住：“我係歌手許靖韻。”

    談到今年計劃，Angela透露正製作新歌，目標是突破慘情歌路線。她說：“除慘情歌以外多啲唔同類型嘅作品，可能會係一啲比較Band Sound類型。大約五至六年前有出過一些比較正能量嘅歌，而家仲係製作當中，希望今年可以多啲唔同類型，快歌都得。另外，過往我一直有寫歌，希望今年有機會推出至少一首自己寫的作品；並且好多年冇喺香港開騷，一直都有同公司溝通，希望今年會實現到。”