陳柏宇靚聲回歸表現風騷

    《陳柏宇LIFE IS LIVE演唱會2025》前晚於香港會議展覽中心舉行尾場演出，經過頭場帶病上陣，致令他聲帶腫漲唱不到假音，到前晚Jason在演繹《你瞞我瞞》之前向粉絲報告病況。幸好演唱時靚聲再現，多番出現的假音均唱出水準，很明顯已走出細菌感染的陰霾。台下一直替Jason緊張的粉絲，聽到靚聲回歸，當然欣喜若狂，齊齊歡呼！

    重拾靚聲，Jason表現得十分風騷，全晚笑容滿臉。唱《認真如初》時向台下的太太符曉薇(Leanne)和細女Audrey送上飛吻外，他更在台上與Leanne打情罵俏。Jason分享道：“結婚後，老婆唔單只畀到我無限嘅愛，仲可以令到我變成一個更有耐性嘅人；除此之外，為咗佢，我更加有搵錢嘅動力。不過，除咗呢啲嘢之外，我老婆其實好體諒我，依然畀我開開心心做我自己，多謝你。”

    在演唱會二度encore之時，Jason除賣大包多唱三首作品外，更走到台下與粉絲握手。而Leanne抱着Audrey走近台前，Jason仍能在漆黑中找到太太與細女，即時衝上前親吻Audrey，演唱會亦在甜蜜滿瀉的氛圍下圓滿結束。