李幸倪成立歌迷會

    李幸倪(Gin Lee)本月卅六歲牛一，前晚她與逾千歌迷提前慶生，宣佈成立官方歌迷會。她說多年未有舉行歌迷聚會及大型生日會，回想去年的生日，她感受特別深：“記得上年過生日時，心情有啲忐忑，因為嗰陣正處於人生十字路口，未來有好多嘢都唔確定。回顧呢一年過得好快，簽約新唱片公司、出歌、工作接踵而來，其實有好多感恩，亦好唔容易，需要好多勇氣，好多謝現場每一位朋友，無論網上留言定係每一次我出event，你哋用你哋嘅方式支持我，呢啲對我都係鼓勵和力量，令我每一次遇到困難時，都可以鼓起勇氣繼續前進。”

    壽星女與歌迷大玩遊戲兼送禮，不過令歌迷最開心的，莫過於Gin預告結婚請飲預埋歌迷。Gin連唱多首歌曲後，主持人指她有事宣佈，台下即大叫“宣佈結婚”。Gin笑謂：“宣佈結婚？我會請你㗎，放心。”全場頓時爆笑。Gin說：“原本公司話幫我搞個birthday party，我話驚得五個人出席，提議不如做個小型音樂會，可以唱歌、又可以同大家玩遊戲，咁就真係一個birthday party。”