羅家英夜歸阿姐閂門反白眼

    昨晚，羅家英與徒弟鄭詠梅合演的粵劇《刁蠻公主駙馬驕》假新光戲院公演。此劇是羅家英與汪明荃的戲寶，家英哥不諱言最想與太太合演。他演出前特會晤傳媒：“這齣是開山劇目，演出了多年，不會有任何壓力，與任何一個女主角演出都一樣。”豈料他又鬼馬道：“如果問我就當然最想和阿姐合演，因可以懲罰佢、要佢跪，事關平日佢懲罰得我太多！（罰你跪？）又未至於要跪，有時話我夜返屋企，就鎖門唔畀我入房。通常我夜間十一點就會返屋企，試過十二點半返，佢就鎖門，話驚喎，要鎖門瞓覺，都唔知係咪真係驚。”

    記者問：“要做廳長？”他說：“我咪叩門叩到佢開為止，咁佢都會開，仲會一開門就整個白眼畀我。（阿姐今晚會否前來捧場？）不會，因有工作在身，雖然阿姐辭去八和會館主席，但一樣繁忙，我自己同樣要忙於教學生、在香港和新加坡演出粵戲，工作已排到十一月底。”他雖然將要與阿姐兩地分隔，但已習慣了沒有問題，不過也體貼地勸喻阿姐放下一些工作。